ਪੰਜਾਬ ਕਾਂਗਰਸ ਵਿੱਚ ਤੂਫਾਨ ਤੋਂ ਪਹਿਲਾਂ ਵਾਲੀ ਖਾਮੋਸ਼ੀ !!

ਪੰਜਾਬ ਕਾਂਗਰਸ ਵਿੱਚ ਇਸ ਵੇਲੇ ਤੂਫਾਨ ਤੋਂ ਪਹਿਲਾਂ ਵਾਲੀ ਖਾਮੋਸ਼ੀ ਵਾਲੀ ਸਥਿਤੀ ਬਣੀ ਹੋਈ ਹੈ ਤੇ ਜੇਕਰ ਹਾਲਾਤ ਇਸੇ ਤਰ੍ਹਾਂ ਹੀ ਰਹੇ ਤਾਂ ਆਉਣ ਵਾਲਾ ਸਮਾਂ ਪਾਰਟੀ ਲਈ ਅਤੇ ਸਰਕਾਰ ਵਾਸਤੇ ਵੀ ਚਿੰਤਾਜਨਕ ਹੁੰਦਾ ਦਿਖਾਈ ਦੇ ਰਿਹਾ ਹੈ। ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਜੋ ਅਕਸਰ ਹੀ ਰਜਵਾੜਾਸ਼ਾਹੀ ਤਰੀਕੇ ਨਾਲ ਸਰਕਾਰ ਚਲਾਉਣ ਕਾਰਨ ਸੁਰਖੀਆਂ ਵਿੱਚ ਰਹਿੰਦੇ ਹਨ ਤੇ ਹੁਣ ਤਾਂ ਸਿਪਾਹੀ ਵੀ ਬਗਾਵਤ ਸੁਰਾਂ ਅਪਣਾਈ ਬੈਠੇ ਹਨ। ਪਹਿਲਾਂ ਤਾਂ ਇਹ ਸੁਣਨ ਵਿੱਚ ਮਿਲਦਾ ਆ ਰਿਹਾ ਸੀ ਕਿ ਅੰਦਰਖਾਤੇ ਸਰਕਾਰ ਅਤੇ ਪਾਰਟੀ ਵਿੱਚ ਸਭ ਕੁਝ ਠੀਕ ਨਹੀਂ ਚੱਲ ਰਿਹਾ ਤੇ ਕਾਂਗਰਸ ਦੇ ਕਪਤਾਨ ਤੋਂ ਉਸ ਦੇ ਆਪਣੇ ਹੀ ਸਿਪਾਹੀ ਨਰਾਜ਼ ਰਹਿੰਦੇ ਹਨ ਪਰ ਹੁਣ ਤਾਂ ਸਿਪਾਹੀਆਂ ਨੇ ਜਨਤਕ ਤੌਰ ਤੇ ਵੀ ਬਗਾਵਤੀ ਝੰਡੇ ਗੱਡਣੇ ਸ਼ੁਰੂ ਕਰ ਦਿੱਤੇ ਹਨ। ਭਾਵੇਂ ਕਿ ਕੈਪਟਨ ਦੇ ਸਿਪਾਹੀਆਂ ਵੱਲੋਂ ਆਪਣੀ ਹੀ ਸਰਕਾਰ ਦੇ ਰਵੱਈਏ ਦੇ ਖਿਲਾਫ ਆਵਾਜ਼ਾਂ ਬੁਲੰਦ ਕੀਤੀ ਜਾ ਰਹੀ ਹੈ ਪਰ ਫੇਰ ਵੀ ਕੈਪਟਨ ਤੇ ਇਸ ਦਾ ਕੁਝ ਜ਼ਿਆਦਾ ਅਸਰ ਹੁੰਦਾ ਦਿਖਾਈ ਨਹੀਂ ਦੇ ਰਿਹਾ ਹੈ ਤੇ ਇਹ ਸਭ ਕੁਝ ਸ਼ਾਇਦ ਇਸੇ ਕਰਕੇ ਹੀ ਹੋ ਰਿਹਾ ਹੇ ਕਿ ਕੈਪਟਨ ਨੂੰ ਪਤਾ ਹੈ ਕਿ ਅਜਿਹੇ ਇੱਕ ਦੋ ਪਿਆਦਿਆਂ ਦੇ ਬਗਾਵਤੀ ਸੁਰਾਂ ਅਪਣਾਉਣ ਨਾਲ ਸੱਤਾ ਤੇ ਕੋਈ ਫ਼ਰਕ ਤਾਂ ਪੈਣ ਵਾਲਾ ਨਹੀਂ ਹੈ।

ਢਾਈ ਸਾਲਾਂ ਦੀ ਸਰਕਾਰ ਦੇ ਕਾਰਜਕਾਲ ਤੋਂ ਆਪਣੇ ਵੀ ਨਿਰਾਸ਼
ਜੇਕਰ ਵੇਖਿਆ ਜਾਵੇ ਤਾਂ ਪੰਜਾਬ ਵਿੱਚ ਕਾਂਗਰਸ ਦੀ ਸਰਕਾਰ ਬਣੀ ਨੂੰ ਢਾਈ ਸਾਲਾਂ ਤੋਂ ਵੱਧ ਦਾ ਸਮਾਂ ਬੀਤ ਚੱਲਿਆ ਹੈ ਪਰ ਇਸ ਸਰਕਾਰ ਵਿੱਚ ਕੈਪਟਨ ਖੇਮੇ ਦੇ ਖਾਸਮਖਾਸਾਂ ਤੋਂ ਇਲਾਵਾ ਕੋਈ ਹੋਰ ਜ਼ਿਆਦਾ ਖੁ਼ਸ਼ ਦਿਖਾਈ ਨਹੀਂ ਦੇ ਰਿਹਾ ਹੈ। ਪਾਰਟੀ ਦੇ ਕਈ ਸੀਨੀਅਰ ਅਤੇ ਜੂਨੀਅਰ ਅਹੁਦੇਦਾਰਾਂ ਤੋਂ ਇਲਾਵਾ ਹੇਠਲੇ ਪੱਧਰ ਤੇ ਵਰਕਰ ਵੀ ਬੁਰੀ ਤਰ੍ਹਾਂ ਇਸ ਸਰਕਾਰ ਤੋਂ ਨਿਰਾਸ਼ ਦਿਖਾਈ ਦੇ ਰਹੇ ਹਨ ਤੇ ਜ਼ਿਆਦਾਤਰ ਹਲਕਿਆਂ ਵਿੱਚ ਵਰਕਰਾਂ ਵੱਲੋਂ ਆਪਣੇ ਆਪਣੇ ਹਲਕੇ ਦੇ ਲੀਡਰ ਦੇ ਖਿਲਾਫ ਰੋਸ ਵੀ ਪਾਇਆ ਜਾ ਰਿਹਾ ਹੈ।

ਮੰਤਰੀ ਕਰਦੇ ਹਨ ਮਨਮਰਜ਼ੀਆਂ 
ਜੇਕਰ ਸਰਕਾਰ ਦੇ ਮੰਤਰੀਆਂ ਦੀ ਗੱਲ ਕਰੀਏ ਤਾਂ ਕੈਪਟਨ ਚਹੇਤ ਮੰਤਰੀ ਆਪਣੀ ਮਨਮਰਜ਼ੀਆਂ ਕਰਦੇ ਦਿਖਾਈ ਦੇ ਰਹੇ ਹਨ ਤੇ ਇੱਕ ਦੂਸਰੇ ਦੇ ਹਲਕਿਆਂ ਵਿੱਚ ਦਖਲਅੰਦਾਜ਼ੀ ਕਰਦੇ ਆਮ ਹੀ ਵੇਖੇ ਜਾ ਸਕਦੇ ਸਨ ਜਿਸ ਕਰਕੇ ਪਾਰਟੀ ਦੇ ਵਰਕਰਾਂ ਵਿੱਚ ਜਿੱਥੇ ਗੁੱਟਬਾਜ਼ੀ ਪੈਦਾ ਹੋ ਰਹੀ ਹੈ ਉੱਥੇ ਵਿਕਾਸ ਦੇ ਕੰਮ ਵੀ ਪ੍ਰਭਾਵਿਤ ਹੋ ਜਾਂਦੇ ਹਨ ਅਜਿਹਾ ਲੋਕਾਂ ਵੱਲੋਂ ਗਲੀਆਂ ਮੁਹੱਲਿਆਂ ਵਿੱਚ ਆਮ ਹੀ ਕਿਹਾ ਜਾਂਦਾ ਸੁਣਿਆ ਜਾ ਸਕਦਾ ਹੈ।

ਬਾਜਵਾ ਦੇ ਆਪਣੇ ਹਲਕੇ ਵਿੱਚ ਪਿਆ ਨਰਕ
ਜੇਕਰ ਗੱਲ ਕਰੀਏ ਤਾਂ ਇਸ ਵੇਲੇ ਸਮੁੱਚੇ ਪੰਜਾਬ ਵਿੱਚ ਹੀ ਸਰਕਾਰ ਦੇ ਮੰਤਰੀਆਂ ਵੱਲੋਂ ਇੱਕ ਦੂਸਰੇ ਹਲਕਿਆਂ ਵਿੱਚ ਸਿਆਸੀ ਦਖਲਅੰਦਾਜ਼ੀ ਦੀ ਚਰਚਾ ਤਾਂ ਹੁੰਦੀ ਰਹਿੰਦੀ ਹੈ ਪਰ ਜਿਸ ਤਰ੍ਹਾਂ ਸੁਣਨ ਵਿੱਚ ਮਿਲ ਰਿਹਾ ਹੈ ਕਿ ਕੈਬਨਿਟ ਮੰਤਰੀ ਬਾਜਵਾ ਵੱਲੋਂ ਬਟਾਲਾ ਵਿੱਚ ਸਿਆਸੀ ਦਖਲਅੰਦਾਜ਼ੀ ਕੀਤੀ ਜਾ ਰਹੀ ਹੈ ਇਸ ਨਾਲ ਕਾਂਗਰਸੀਆਂ ਵਿੱਚ ਅੰਦਰਖਾਤੇ ਤਾਂ ਨਾਰਾਜ਼ਗੀ ਦੇਖਣ ਨੂੰ ਮਿਲ ਹੀ ਰਹੀ ਹੈ ਬਲਕਿ ਵਿਕਾਸ ਦੇ ਕੰਮ ਵੀ ਪ੍ਰਭਾਵਿਤ ਹੋ ਰਹੇ ਹਨ। ਖਬਰਾਂ ਮਿਲ ਰਹੀਆਂ ਹਨ ਕਿ ਬਾਜਵਾ ਦੇ ਆਪਣੇ ਹਲਕੇ ਜਿੱਥੋਂ ਉਹ ਚੋਣ ਜਿੱਤੇ ਹਨ ਫਤਿਹਗੜ ਚੂੜੀਆਂ ਦੀ ਹਾਲਾਤ ਤਾਂ ਵਿਕਾਸ ਪੱਖੋਂ ਹੌਲੀ ਹੋਈ ਪਈ ਹੈ ਤੇ ਉਨ੍ਹਾਂ ਦੇ ਹਲਕੇ ਦੇ ਕਾਂਗਰਸੀ ਵਰਕਰ ਅਤੇ ਲੋਕ ਵੀ ਭਲਾਈ ਸਕੀਮਾਂ ਲਈ ਤਰਸ ਰਹੇ ਹਨ ਜਿਸ ਕਰਕੇ ਬਟਾਲਾ ਵਿੱਚ ਸਾਰੇ ਹੀ ਕਾਂਗਰਸੀਆਂ ਨੂੰ ਦਰਕਿਨਾਰ ਕਰਕੇ ਭਵਿੱਖੀ ਚੋਣ ਲੜਣ ਲਈ ਕਰਵਾਏ ਜਾ ਰਹੇ ਵਿਕਾਸ ਕਾਰਜਾਂ ਤੇ ਉਂਗਲਾਂ ਉੱਠਣ ਲੱਗ ਪਈਆਂ ਹਨ ਕਿਉਂਕਿ ਸੁਣਨ ਵਿੱਚ ਮਿਲ ਰਿਹਾ ਹੈ ਕਿ ਬਾਜਵਾ ਦੇ ਚਹੇਤੇ ਕੁਝ ਲੋਕ ਆਪਣੇ ਇਲਾਕਿਆਂ ਵਿੱਚ ਤਾਂ ਕੰਮ ਕਰਵਾਉਣ ਵਿੱਚ ਕਾਮਯਾਬ ਹੋ ਰਹੇ ਹਨ ਪਰ ਜਿੱਥੇ ਅਜਿਹੇ ਕੰਮਾਂ ਦੀ ਸਭ ਤੋਂ ਵੱਧ ਜ਼ਰੂਰਤ ਹੈ ਉੱਥੇ ਅਜਿਹੇ ਬਣਦੇ ਕੰਮ ਨਹੀਂ ਹੋ ਰਹੇ ਹਨ।

ਸੇਖੜੀ ਵੀ ਰਹਿੰਦੇ ਹਨ ਖਫ਼ਾਖਫਾ
ਬਾਜਵਾ ਵੱਲੋਂ ਬਟਾਲਾ ਵਿੱਚ ਕੀਤੀ ਜਾ ਰਹੀ ਸਿਆਸੀ ਦਖਲਅੰਦਾਜ਼ੀ ਤੋਂ ਬਟਾਲਾ ਹਲਕੇ ਤੋਂ ਚੋਣਾਂ ਲੜਦੇ ਆ ਰਹੇ ਕਾਂਗਰਸੀ ਆਗੂ ਅਸ਼ਵਨੀ ਸੇਖੜੀ ਵੀ ਖ਼ਫਾ ਹੀ ਰਹਿੰਦੇ ਹਨ ਪਰ ਸਰਕਾਰੇ ਦਰਬਾਰੇ ਅਤੇ ਪਾਰਟੀ ਵਿੱਚ ਕੁਝ ਜ਼ਿਆਦਾ ਸੁਣਵਾਈ ਨਾ ਹੋਣ ਕਰਕੇ ਫਿਲਹਾਲ ਭਲੇ ਸਮੇਂ ਦੀ ਉਡੀਕ ਵਿੱਚ ਬੈਠੇ ਹਨ। ਪਰ ਇਨਾਂ ਜ਼ਰੂਰ ਹੈ ਕਿ ਸੇਖੜੀ ਵੀ ਪੂਰੀ ਤਰ੍ਹਾਂ ਪਲੇਟ ਵਿੱਚ ਪਾ ਕੇ ਬਟਾਲਾ ਹਲਕੇ ਦੀ ਨੁਮਾਇੰਦਗੀ ਬਾਜਵਾ ਨੂੰ ਦੇਣ ਦੇ ਰੌਂਅ ਵਿੱਚ ਨਹੀਂ ਹਨ।

ਹੋਰ ਵੀ ਕਈ ਹਨ ਕੈਪਟਨ ਖੇਮੇ ਨਾਲ ਨਾਰਾਜ਼
ਇੱਥੇ ਹੀ ਬੱਸ ਨਹੀਂ ਹੋਰ ਵੀ ਕਈ ਵਿਧਾਇਕ ਅਤੇ ਸੀਨੀਅਰ ਆਗੂ ਹਨ ਜੋ ਕੈਪਟਨ ਖੇਮੇ ਤੋਂ ਨਾਰਾਜ਼ ਚਲ ਰਹੇ ਹਨ ਜਿਨ੍ਹਾਂ ਵਿੱਚ ਕਈਆਂ ਨੇ ਤਾਂ ਸ਼ਰੇਆਮ ਹੀ ਝੰਡਾ ਚੁੱਕਿਆ ਹੋਇਆ ਹੈ। ਬੀਤੇ ਕੱਲ੍ਹ ਤਾਂ ਪਟਿਆਲੇ ਵਿੱਚ ਹੋਏ ਸਰਕਾਰੀ ਸਮਾਗਮ ਜਿਸ ਦੀ ਪ੍ਰਧਾਨਗੀ ਮੁੱਖ ਮੰਤਰੀ ਦੀ ਪਤਨੀ ਅਤੇ ਸੰਸਦ ਮੈਂਬਰ ਮਹਾਰਾਣੀ ਪ੍ਰਣੀਤ ਕੌਰ ਕਰ ਰਹੇ ਸਨ ਵਿੱਚੋਂ ਵੀ ਦੋ ਵਿਧਾਇਕਾਂ ਜਿੰਨ੍ਹਾ ਦੀਆਂ ਕੁਰਸੀਆਂ ਵੀ ਵੱਖਰੇ ਤੌਰ ਤੇ ਪ੍ਰਸ਼ਾਸਨ ਵੱਲੋਂ ਲਗਵਾਈਆਂ ਗਈਆਂ ਸਨ ਗੈਰਹਾਜ਼ਰ ਹੀ ਰਹੇ ਸਨ। ਜਿਸਨੇ ਕਈ ਤਰ੍ਹਾਂ ਸਵਾਲ ਖੜੇ ਕਰ ਦਿੱਤੇ ਹਨ ਤੇ ਜੇਕਰ ਅਜਿਹਾ ਹੀ ਰਿਹਾ ਤਾਂ ਆਉਣ ਵਾਲਾ ਸਮਾਂ ਸਰਕਾਰ ਅਤੇ ਸੱਤਾਧਾਰੀ ਪਾਰਟੀ ਲਈ ਬਹੁਤ ਚਿੰਤਾਜ਼ਨ ਹੋਵੇਗਾ।

ਨੋਟ:- ਉਕਤ ਵਿਚਾਰ ਲੇਖਕ ਦੇ ਆਪਣੇ ਨਿਜੀ ਵਿਚਾਰ ਹਨ, NewsNumber ਇਨ੍ਹਾਂ ਵਿਚਾਰਾਂ ਲਈ ਜ਼ਿੰਮੇਵਾਰ ਨਹੀਂ ਹੈ।

ਕੀ ਕੈਪਟਨ ਅਮਰਿੰਦਰ ਕਾਂਗਰਸ ਛੱਡੇਗਾ? (ਨਿਊਜ਼ਨੰਬਰ ਖ਼ਾਸ ਖ਼ਬਰ)

ਪੰਜਾਬ ਦੇ ਮੁੱਖ ਮੰਤਰੀ ਰਹੇ ਕੈਪਟਨ ਅਮਰਿੰਦਰ ਸਿੰਘ ਦੇ ਵੱਲੋਂ ਸੱਤ ਟਵੀਟ ਕੀਤੇ ਗਏ, ਜਿਨ੍ਹਾਂ ਵਿਚ ਉਨ੍ਹਾਂ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਤੇ ਤਿੱਖੇ ਨਿਸ਼ਾਨੇ ਸਾਧੇ ਅਤੇ ਗੰਭੀਰ ਦੋਸ਼ ਮਡ਼੍ਹੇ। ਉਨ੍ਹਾਂ ਨੇ ਕਿਹਾ ਕਿ ਸਿੱਧੂ ਹੁਣ ...

ਸਿੱਧੂ ਵੱਲੋਂ ਬੇਲੋੜੀਆਂ ਤੇ ਤਲਖ਼ ਟਿੱਪਣੀਆਂ ਤੋਂ ਵਰਜਣ ਲਈ ਸਖ਼ਤ ਤਾੜਨਾ ਲਈ ਕਾਂਗਰਸ ਪ੍ਰਧਾਨ ਕੋਲ ਚੀਮਾ ਵੱਲੋਂ ਪਹੁੰਚ .

ਸਿੱਧੂ ਵੱਲੋਂ ਬੇਲੋੜੀਆਂ ਤੇ ਤਲਖ਼ ਟਿੱਪਣੀਆਂ ਤੋਂ ਵਰਜਣ ਲਈ ਸਖ਼ਤ ਤਾੜਨਾ ਲਈ ਕਾਂਗਰਸ ਪ੍ਰਧਾਨ ਕੋਲ ਚੀਮਾ ਵੱਲੋਂ ਪਹੁੰਚ . ...

ਕਿਸਾਨ ਮਜ਼ਦੂਰ ਸੰਘਰਸ ਕਮੇਟੀ ਪੰਜਾਬ ਦੇ ਪਿੰਡ ਜੋਧੇ ਦੇ ਪ੍ਰਧਾਨ ਕੁਲਦੀਪ ਸਿੰਘ ਤੇ ਸਾਰੀ ਸੰਘਰਸ ਕਮੇਟੀ ਨੇ ਨਜਾਇਜ ਹੋ ਰਹੀ ਮਾਈਨਿਗ ਦਾ ਡਟ ਕਿ ਵਿਰੋਧ ਕੀਤਾ

ਕਿਸਾਨ ਮਜ਼ਦੂਰ ਸੰਘਰਸ ਕਮੇਟੀ ਪੰਜਾਬ ਦੇ ਪਿੰਡ ਜੋਧੇ ਦੇ ਪ੍ਰਧਾਨ ਕੁਲਦੀਪ ਸਿੰਘ ਤੇ ਸਾਰੀ ਸੰਘਰਸ ਕਮੇਟੀ ਨੇ ਨਜਾਇਜ ਹੋ ਰਹੀ ਮਾਈਨਿਗ ਦਾ ਡਟ ਕਿ ਵਿਰੋਧ ਕੀਤਾ ...

ਪੰਜਾਬ ਕਾਂਗਰਸ ਦੋ ਧੜਿਆਂ ’ਚ ਵੰਡੀ! (ਨਿਊਜ਼ਨੰਬਰ ਖ਼ਾਸ ਖ਼ਬਰ)

ਕੀ ਪੰਜਾਬ ਕਾਂਗਰਸ ਦੇ ਦੋ ਧੜਿਆਂ ’ਚ ਸੁਲਾਹ ਸਫਾਈ ਹੋ ਸਕਦੀ ਹੈ? ਇਸ ਸਵਾਲ ਦੀ ਮੀਡੀਏ ਵੱਲੋਂ ਕੀਤੀ ਜਾਂਦੀ ਉਧੇੜ ਬੁਣ ’ਚੋਂ ਹਰ ਰੋਜ਼ ਨਵਾਂ ਸਵਾਲ ਖੜ੍ਹਾ ਹੋ ਰਿਹਾ ਹੈ। ...

ਕਿਸਾਨਾਂ ਅੱਗੇ ਹਾਰੀ ਕਾਂਗਰਸ! (ਨਿਊਜ਼ਨੰਬਰ ਖ਼ਾਸ ਖ਼ਬਰ)

ਪਿਛਲੇ ਕਰੀਬ ਦੋ ਮਹੀਨਿਆਂ ਤੋਂ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੋਂਦਾ ਵਲੋਂ ਪੰਜਾਬ ਦੇ ਕੈਬਨਿਟ ਮੰਤਰੀ ਸਾਧੂ ਸਿੰਘ ਧਰਮਸੋਤ ਦੇ ਆਪਣੇ ਹਲਕੇ ਨਾਭਾ ਵਿਖੇ ਕਈ ਜਗ੍ਹਾ ਵਿਰੋਧ ਕੀਤਾ ਗਿਆ ਸੀ ...