ਜਗਮੀਤ ਬਰਾੜ ਕੱਲ੍ਹ ਕਹਿੰਦੇ ਸੀ ਖਬਰ ਝੂਠੀ ਤੇ ਅੱਜ ਖੁਦ ਕਰਤਾ ਅਕਾਲੀ ਦਲ ਵਿੱਚ ਸ਼ਾਮਿਲ ਹੋਣ ਦਾ ਐਲਾਨ (ਨਿਊਜ਼ਨੰਬਰ ਖ਼ਾਸ ਖਬਰ)

Last Updated: Apr 18 2019 11:40

ਜਗਮੀਤ ਸਿੰਘ ਬਰਾੜ ਨੇ ਕੱਲ੍ਹ ਸੋਸ਼ਲ ਮੀਡੀਆ ਤੇ ਕਿਹਾ ਸੀ ਕੇ ਉਨ੍ਹਾਂ ਦੀ ਅਕਾਲੀ ਦਲ ਵਿੱਚ ਜਾਣ ਦੀ ਅਫ਼ਵਾਹ ਝੂਠੀ ਹੈ ਤੇ ਅੱਜ ਖੁਦ ਹੀ ਟਵਿੱਟਰ ਤੇ ਅਕਾਲੀ ਦਲ ਵਿੱਚ ਸ਼ਾਮਿਲ ਹੋਣ ਦਾ ਐਲਾਨ ਕਰ ਦਿੱਤਾ ਹੈl ਆਪਣੇ ਸੋਸ਼ਲ ਮੀਡੀਆ ਖਾਤੇ ਤੇ ਅਕਾਲੀ ਦਲ ਦੀਆਂ ਤਾਰੀਫਾਂ ਦੇ ਕਸੀਦੇ ਪੜ੍ਹਦੇ ਹੋਏ ਜਗਮੀਤ ਬਰਾੜ ਨੇ ਕਿਹਾ ਕੇ ਉਨ੍ਹਾਂ ਨੇ ਹਮੇਸ਼ਾ ਹੀ ਲੋਕਾਂ ਦੇ ਲਈ ਅਤੇ ਲੋਕਾਂ ਦੇ ਵਾਸਤੇ ਰਾਜਨੀਤੀ ਕੀਤੀ ਹੈ ਅਤੇ ਅਕਾਲੀ ਦਲ ਉਨ੍ਹਾਂ ਨੂੰ ਇਸਦੇ ਵਿੱਚ ਹਿਰ ਮੌਕਾ ਦਿੰਦੇ ਹੋਏ ਸਿੱਖੀ ਅਤੇ ਪੰਜਾਬ ਦੀ ਸੇਵਾ ਦਾ ਮੌਕਾ ਦੇ ਰਿਹਾ ਹੈl ਬਰਾੜ ਨੇ ਕਿਹਾ ਕੇ ਗੁਰੂ ਨਾਨਕ ਦੇਵ ਜੀ ਦੇ 550 ਵੇ ਪ੍ਰਕਾਸ਼ ਉਤਸਵ ਦੇ ਸਾਲ ਵਿੱਚ ਉਹ ਅਕਾਲੀ ਦਲ ਵਿੱਚ ਸ਼ਾਮਿਲ ਹੋ ਰਹੇ ਹਨ ਅਤੇ ਇਸ ਸਮੇਂ ਦੌਰਾਨ ਉਹ ਆਪਣੇ ਨਾਲ ਖੜਨ ਵਾਲੇ ਹਰ ਸਮਰਥਕ ਦਾ ਧੰਨਵਾਦ ਕਰਦੇ ਹਨ l ਜਿਕਰਯੋਗ ਹੈ ਕੇ ਦੋ ਦਿਨ ਪੀਲਾ ਇਹ ਅਫ਼ਵਾਹ ਜੰਗਲ ਦੀ ਅੱਗ ਵਾਂਗੀ ਫੈਲੀ ਸੀ ਕੇ ਜਗਮੀਤ ਬਰਾੜ ਅਕਾਲੀ ਦਲ ਵਿੱਚ ਸ਼ਾਮਿਲ ਹੋ ਰਹੇ ਹਨ ਅਤੇ ਇਸਦੇ ਬਾਅਦ ਖੁਦ ਬਰਾੜ ਨੇ ਆਪਣੇ ਸੋਸ਼ਲ ਮੀਡੀਆ ਖਾਤੇ ਤੋਂ ਇੱਕ ਕੰਮੈਂਟ ਕਰਕੇ ਕਿਹਾ ਸੀ ਕੇ ਇਹ ਖਬਰ ਝੂਠੀ ਹੈl ਇਸ ਖਬਰ ਨੂੰ ਝੂਠਾ ਦੱਸਣ ਦੇ ਮਹਿਜ ਇੱਕ ਦਿਨ ਬਾਅਦ ਹੀ ਬਰਾੜ ਹੁਣ ਇਸ ਨੂੰ ਸੱਚਾ ਕਰ ਰਹੇ ਹਨl ਫਿਲਹਾਲ ਜਗਮੀਤ ਸਿੰਘ ਬਰਾੜ ਕੱਲ੍ਹ ਨੂੰ ਮੁਕਤਸਰ ਵਿੱਚ ਅਕਾਲੀ ਦਲ ਵਿੱਚ ਸ਼ਾਮਿਲ ਹੋਣਗੇ ਅਤੇ ਕੱਲ੍ਹ ਨੂੰ ਹੀ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਵੀ ਮੁਕਤਸਰ ਹਲਕੇ ਦੇ ਦੌਰੇ ਤੇ ਆ ਰਹੇ ਹਨ ਜਿਸਦੇ ਬਾਅਦ ਕੇ ਸੰਭਾਵਨਾ ਹੈ ਕੇ ਜਗਮੀਤ ਬਰਾੜ ਨੂੰ ਅਕਾਲੀ ਦਲ ਵਿੱਚ ਵੱਡੇ ਬਾਦਲ ਵੱਲੋਂ ਹੀ ਸ਼ਾਮਿਲ ਕੀਤਾ ਜਾਵੇਗਾ l ਇਸਦੇ ਨਾਲ ਹੀ ਜਗਮੀਤ ਬਰਾੜ ਦੇ ਫ਼ਿਰੋਜ਼ਪੁਰ ਤੋਂ ਅਕਾਲੀ ਉਮੀਦਵਾਰ ਹੋਣ ਦੀ ਸੰਭਾਵਨਾ ਤੇ ਵੀ ਪੂਰੇ ਆਸਾਰ ਬਣਦੇ ਦਿਖਾਈ ਦੇ ਰਹੇ ਹਨ ਅਤੇ ਅਕਾਲੀ ਦਲ ਕੱਲ੍ਹ ਨੂੰ ਇਸਦਾ ਵੀ ਐਲਾਨ ਕਰ ਸਕਦਾ ਹੈ l