4 ਸਾਲ ਤੋਂ ਡੀ.ਐਨ.ਏ ਟੈੱਸਟ ਨਹੀਂ ਕਰਵਾ ਸਕੀ ਪੁਲਿਸ

Sukhjinder Kumar
Last Updated: Jan 13 2018 18:28

2 ਅਪ੍ਰੈਲ 2013 ਵਿੱਚ ਕੀੜੀ ਖ਼ੁਰਦ ਸਥਿਤ ਜੇ.ਐਸ ਵਾਲਿਆ ਸਟੋਨ ਕਰੈਸ਼ਰ ਉੱਪਰ ਕੰਮ ਕਰਨ ਵਾਲੇ ਜੇ.ਸੀ.ਬੀ ਆਪਰੇਟਰ ਕਵਿਨਾਥ ਗਾਇਬ ਹੋ ਗਏ ਸਨ। ਜ਼ਿਲ੍ਹਾ ਪੁਲਿਸ ਵੱਲੋਂ ਕੋਈ ਕਾਰਵਾਈ ਨਾ ਕਰਨ ਤੋਂ ਖ਼ਫ਼ਾ ਪਰਿਜਨਾਂ ਨੇ ਪੁੱਤਰ ਨੂੰ ਮਾਰਨ ਦਾ ਸ਼ੱਕ ਜਤਾ ਕੇ ਹਾਈਕੋਰਟ ਵਿੱਚ ਯਾਚਿਕਾ ਦਾਇਰ ਕਰ 26-2-2014 ਵਿੱਚ ਤਾਰਾਗੜ੍ਹ ਥਾਣੇ ਵਿੱਚ ਕਰੈਸ਼ਰ ਮਾਲਕ ਸਮੇਤ ਕਰੈਸ਼ਰ 'ਤੇ ਕੰਮ ਕਰਨ ਵਾਲੇ 6 ਲੋਕਾਂ ਉੱਪਰ ਪਰਚਾ ਦਰਜ ਕਰਵਾਇਆ। ਪਰ ਇਸ ਤੋਂ ਪਹਿਲੇ ਪੁਲਿਸ ਨੇ 15 ਅਪ੍ਰੈਲ 2013 ਨੂੰ ਕੀੜੀ ਦੇ ਕੋਲ ਰਾਵੀ ਦਰਿਆ ਵਿੱਚ ਇੱਕ ਮਨੁੱਖੀ ਪਿੰਜਰ ਬਰਾਮਦ ਕੀਤਾ। ਪਰਿਵਾਰ ਨੂੰ ਕਿਹਾ ਗਿਆ ਕਿ ਪਿੰਜਰ ਕਵਿਨਾਥ ਦਾ ਹੋ ਸਕਦਾ ਹੈ। ਇਸ ਦਾ ਪਤਾ ਡੀ.ਐਨ.ਏ ਟੇਸਟ ਦੇ ਬਾਅਦ ਚੱਲੇਗਾ। ਪੁਲਿਸ ਨੇ ਪਿੰਜਰ ਦੀ ਪਛਾਣ ਦੇ ਲਈ ਕਵਿਨਾਥ ਦੇ ਪਰਿਵਾਰ ਵਾਲਿਆਂ ਦੇ ਬਲੱਡ ਸੈਂਪਲ ਹੈਦਰਾਬਾਦ ਤੇ ਮੋਹਾਲੀ ਵਿੱਚ ਟੈੱਸਟ ਲਈ ਭੇਜੇ, ਪਰ ਚਾਰ ਸਾਲ ਵਿੱਚ ਪੁਲਿਸ ਡੀ.ਐਨ.ਏ ਟੈੱਸਟ ਹੀ ਨਹੀਂ ਕਰਵਾ ਪਾਈ ਹੈ। 

ਪੁਲਿਸ ਦਾ ਕਹਿਣਾ ਹੈ ਕਿ ਹੈਦਰਾਬਾਦ ਤੋਂ ਪਿੰਜਰ ਨੂੰ ਇਹ ਕਹਿ ਕੇ ਵਾਪਸ ਭੇਜਿਆ ਗਿਆ ਕਿ ਉਨ੍ਹਾਂ ਦਾ ਆਪਣੇ ਇਲਾਕੇ ਵਿੱਚ ਕੰਮ ਬਹੁਤ ਹੈ। ਉਸ ਦੇ ਬਾਅਦ ਮੋਹਾਲੀ ਵਿੱਚ ਗਏ ਪਿੰਜਰ ਦੇ ਡੀ.ਐਨ.ਏ ਨੂੰ ਲੈ ਕੇ ਕਈ ਬਾਰ ਆਬਜੇਕਸ਼ਨ ਲਗਾ ਕੇ ਵਾਪਸ ਭੇਜ ਦਿੱਤਾ ਗਿਆ ਜਿਸ ਨਾਲ ਕਵਿਨਾਥ ਦੇ ਪਰਿਵਾਰ ਵਾਲੇ ਪਿਛਲੇ 4 ਸਾਲਾਂ ਤੋਂ ਇਨਸਾਫ਼ ਦੇ ਲਈ ਠੋਕਰਾਂ ਖਾ ਰਹੇ ਹਨ। 2013 ਵਿੱਚ ਪਿਤਾ ਸਰਦਾਰੀ ਲਾਲ ਨੇ ਸ਼ਿਕਾਇਤ ਵਿੱਚ ਦੱਸਿਆ ਸੀ ਕਿ 27 ਮਾਰਚ 2013 ਨੂੰ ਕਵਿ ਕਟੋਰੀ ਬੰਗਲਾ ਸਥਿਤ ਆਪਣੇ ਘਰ ਤੋਂ ਛੁੱਟੀ ਕੱਟ ਕੇ ਕਰੈਸ਼ਰ ਉੱਪਰ ਨੌਕਰੀ ਕਰਨ ਵਾਪਸ ਗਿਆ ਸੀ। ਉਸ ਦੇ ਬਾਅਦ ਕਵਿ ਦਾ 2 ਅਪ੍ਰੈਲ 2013 ਤੋਂ ਫ਼ੋਨ ਬੰਦ ਆਉਣ ਲਗਾ। 11 ਅਪ੍ਰੈਲ ਨੂੰ ਉਹ ਕਰੈਸ਼ਰ ਉੱਪਰ ਗਏ ਅਤੇ ਕਵਿਨਾਥ ਦੇ ਬਾਰੇ ਵਿੱਚ ਪੁੱਛਿਆ, ਪਰ ਕਰੈਸ਼ਰ ਉੱਪਰ ਤੈਨਾਤ ਮੁਲਾਜ਼ਮਾਂ ਦਾ ਇੱਕ ਹੀ ਜੁਆਬ ਸੀ ਕਿ ਕਵਿ 2 ਅਪ੍ਰੈਲ ਨੂੰ ਕਰੈਸ਼ਰ ਤੋਂ ਚਲਾ ਗਿਆ ਸੀ। ਪੁਲਿਸ ਨੇ ਇਸ ਮਾਮਲੇ ਵਿੱਚ ਕਰੈਸ਼ਰ ਮਾਲਕ ਸਮੇਤ ਮੁਲਾਜ਼ਮਾਂ ਦੇ ਬਿਆਨ ਵੀ ਦਰਜ ਕੀਤੇ ਹੋਏ ਹਨ। 

ਉੱਧਰ ਤਾਰਾਗੜ੍ਹ ਥਾਣਾ ਮੁਖੀ ਅਮਰੀਕ ਸਿੰਘ ਨੇ ਕਿਹਾ ਕਿ ਪਿੰਜਰ ਆਬਜੇਕਸ਼ਨ ਲਗਨ ਨਾਲ ਵਾਪਸ ਆ ਗਿਆ ਸੀ। ਹੁਣ ਫਿਰ ਤੋਂ ਪਿੰਜਰ ਦੀ ਜਾਂਚ ਤੇ ਜਬੜੇ ਨੂੰ ਪੂਰਾ ਕਰ ਕੇ ਭੇਜਿਆ ਜਾਵੇਗਾ। ਥਾਣਾ ਮੁਖੀ ਦਾ ਕਹਿਣਾ ਹੈ ਕਿ ਸਿਵਲ ਦੇ ਡਾਕਟਰ ਤੋਂ ਲਿਖਵਾ ਕੇ ਪਿੰਜਰ ਨੂੰ ਮੋਹਾਲੀ ਵਿੱਚ ਡੀ.ਐਨ.ਏ ਦੇ ਲਈ ਭੇਜਿਆ ਜਾਵੇਗਾ। ਤਾਰਾਗੜ੍ਹ ਥਾਣੇ ਵਿੱਚ ਕਵਿਨਾਥ ਦੇ ਪਿਤਾ ਸਰਦਾਰੀ ਲਾਲ ਦੇ ਬਿਆਨ ਉੱਪਰ 26-2-2014 ਵਿੱਚ ਜੇ.ਐਸ ਵਾਲਿਆ ਸਟੋਨ ਕਰੈਸ਼ਰ ਮਾਲਕ ਕੀੜੀ ਖ਼ੁਰਦ, ਜਸਵੀਰ ਸਿੰਘ ਜੱਸੀ, ਕਰਮ ਚੰਦਰ, ਭੁਪਿੰਦਰ ਸਿੰਘ, ਪਾਂਡੇ ਤੇ ਜੋਗ ਸਿੰਘ ਦੇ ਖ਼ਿਲਾਫ਼ ਮਾਮਲਾ ਦਰਜ ਹੋਇਆ ਹੈ।